0
0 Kcsm 2024-01-12 11-31am
ភ្នំពេញ៖ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានបន្តចេញប្រកាសបណ្ដេញ លោកស្រីវរសេនីយ៍ត្រី អ៊ុំ ចន្ទ្រា នាយរងការិយាល័យរដ្ឋបាល-សរុបនៃអង្គភាពកីឡានគរបាលជាតិកម្ពុជា និងលោកអនុសេនីយ៍ឯក រ័ត្ន បរិញ្ញា ជាមន្ត្រី ចេញពីក្របខណ្ឌមន្ត្រីនគបាលជាតិ។ នេះបើតាមប្រកាសស្តីពីការបណ្តេញចេញពីក្របខ័ណ្ឌមន្រ្តីនគរបាលជាតិ លេខ ០៥៦ ប្រ.ក ចុថ្ងៃទី០៤ ខែមករា ឆ្នាំ២០២៤ ដែលអ្នកសារព័ត៌មានទទួលបានកាលពីថ្ងៃទី១១ ខែមករា
ជាងនេះសម្រាប់ប្រាក់បៀវត្ស និងរបបឧបត្ថម្ភផ្សេងៗក៏ត្រូវកាត់ផ្តាច់ និងលុយចេញពីក្របខ័ណ្ឌផងដែរចាប់ពីខែមីនា ឆ្នាំ២០២៤ផងដែរ។
ជាការកត់សម្គាល់ នៅដើមឆ្នាំ២០២៤នេះ ក្រសួងមហាផ្ទៃបានអនុវត្តការដកហូតមុខតំណែង បន្ថយឋានន្តរស័ក្តិ និងបណ្តេញចេញពីក្របខ័ណ្ឌមន្ត្រីនគរបាលជាតិលើមន្រ្តីមួយចំនួន ក្នុងករណីផ្សេងៗគ្នា ដោយខ្លះបានរកឃើញ សារជាតិញៀនក្នុងខ្លួន ខ្លះមិនអនុវត្តកាតព្វកិច្ច ភារកិច្ចការងារក្នុងនាមជាមន្រ្តីនគរបាល ពោលគឺល្មើសវិន័យរបស់កងកម្លាំងនគរបាលជាតិ៕
