0
0 KCSM 2022-12-06 02-57pm
កណ្តាល៖ នៅទីបំផុត, ចៅក្រមស៊ើបសួរសាលាដំបូងខេត្តកណ្តាល លោក ជា សុខហៀង ចេញដីកាបង្គាប់ឱ្យឃុំខ្លួនជនត្រូវចោទឈ្មោះ សួន ពេជ្រសំអូន ហៅម៉ាប់ដាក់ពន្ធនាគារខេត្តកណ្តាលហើយ នៅថ្ងៃទី០៥ ខែធ្នូ ឆ្នាំ២០២២នេះ។
គួរជម្រាបជូនថា ដោយអនុវត្តន៍តាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងជំនាញស្នងការដ្ឋានសហការជាមួយកម្លាំងអធិការដ្ឋាននគរបាលស្រុកមុខកំពូលកាលពីរសៀលថ្ងៃទី០៤ ខែធ្នូ បានបើកប្រតិបត្តិការស្រាវជ្រាវស៊ើបអង្កេតបង្ក្រាបហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាកាលពីវេលាម៉ោង០០:៣០នាទីថ្ងៃទី២៦ ខែវិច្ឆិកា ឆ្នាំ២០២២ នៅចំណុចលើផ្លូវជាតិលេខ៦ មុខក្លោងទ្វារវត្តឧត្តមសាមគ្គី ហៅវត្តឈើទាល ភូមិក្រោម ឃុំព្រែកអញ្ចាញ ស្រុកមុខកំពូល ខេត្តកណ្ដាល លើជនរងគ្រោះចំនួន០២នាក់ ឈានដល់ការឃាត់ខ្លួនជនសង្ស័យបានម្នាក់យកមកផ្តន្ទាទោសតាមច្បាប់ដោយគ្មានការលើកលែងឡើយ។
