ភ្នំពេញ ៖ អ្នកបើកបរម៉ូតូបានរងរបួសធ្ងន់ ក្រោយពីជួបគ្រោះថ្នាក់ចរាចរណ៍នៅអំឡុងពេលបើកបរបញ្ជ្រាសទិសគ្នា ស្រាប់តែម៉ូតូគេចរថយន្តមួយគ្រឿង ក៏ចូលទៅគន្លងរថយន្តកុងទីន័រមួយទៀត បណ្ដាលឲ្យម៉ូតូស្ថិតនៅក្រោមរថយន្ដកុងទីន័រ អូសចម្ងាយប្រមាណជា២០ម៉ែត្រ។
ប្រភពព័ត៌មាននៅកន្លែងកើតហេតុបានឲ្យដឹងថា ដំបូងឡើយគេឃើញបុរសម្នាក់បើកម៉ូតូម៉ាក Yamah fz មួយគ្រឿង ពាក់ស្លាកលេខព្រៃវែង 1S-2291 ធ្វើដំណើរតាមបណ្ដាលផ្លូវជាតិលេខ 4 ក្នុងទិសដៅពីកើតទៅលិច មកដល់ចំណុចកើតហេតុ ក៏គេចជាមួយរថយន្តព្រោះ មួយគ្រឿងមិនចាំស្លាកលេខ ដែលធ្វើដំណើរបញ្ច្រាស់ទិសគ្នា មកចូលក្រោមរថយន្តកុងតឺន័រមួយគ្រឿង ដែលបើកបរដោយបុរសម្នាក់ ដោយក្បាលពាក់ស្លាកលេខភ្នំពេញ 3F-8914 ឯកន្ទុយពាក់ស្លាកលេខភ្នំពេញ 4A-4693 បណ្ដាលឲ្យរថយន្តកុងតឺន័រកិនអូសម៉ូតូជាប់ក្រោមរថយន្តជាង 20 ម៉ែត្រ រួចរ៉េចង្កូតធ្លាក់ទៅប្រឡាយខាងស្ដាំដៃ ឯអ្នកបើកបរម៉ូតូរងរបួសធ្ងន់ ត្រូវបានរថយន្ដសង្គ្រោះដឹកយកទៅសង្គ្រោះភ្លាមៗ នៅឯមមន្ទីរពេទ្យ។ ឯអ្នកបររថយន្តកុងតឺន័រក្រោយពីបើកិនម៉ូតូអូសជាង 20 ម៉ែត្របណ្ដាលអោយមានអ្នករងរបួស រួចក៏បានបើកទ្វាររថយន្តគេចខ្លួនចេញពីកន្លែងកើតហេតុបាត់ស្រមោល។
ករណីនេះកើតឡើងកាលពីវេលាម៉ោង 11:30 នាទីយប់ ថ្ងៃទី 29 ខែវិច្ឆិកា ឆ្នាំ 2022 ក្នុងសង្កាត់កន្ទោក ខ័ណ្ឌកំបូល រាជធានីភ្នំពេញ។
ក្រោយពីកើតហេតុក៏មានវត្តមានរបស់សមត្ថកិច្ចជំនាញ នរគរបាលចរាចរណ៍ផ្លូវគោកខណ្ឌដំបូល បានចុះដល់ទីតាំងកន្លែងកើតហេតុ ធ្វើការរបស់វែងរួចនាំយកម៉ូតូនិងរថយន្តយកទៅរក្សាទុក ដើម្បីរង់ចាំម្ចាស់ចូលខ្លួនមកដោះស្រាយនៅពេលក្រោយ។
បុរសម្នាក់រងរបួសធ្ងន់ក្រោយរថយន្តកុងតឺន័របើកកិនម៉ូតូអូសជាង២០ម៉ែត្រ
Read Time:2 Minute, 19 Second
Pages: 1 2