0
0 ភ្នំពេញ៖ បើតាមប្រភពព័ត៌មាននៅកន្លែងកើតហេតុបានអោយដឹងថា ដំបូងឡើយគេឃើញនារីម្នាក់ បើករថយន្ត ម៉ាក់ Toyota Rush ពណ៌សមួយគ្រឿង ពាក់ស្លាលេខភ្នំពេញ 2BH-8167 ធ្វើដំណើរតាមបណ្ដោយផ្លូវ 2004 ក្នុងទសដៅពីលិចទៅកើត លុះមកដល់ចំណុចស្តុបណូគា ក៏ឈប់ចាំស្តុកពណ៌ក្រហម ស្រាប់តែមានបុរសម្នាក់បើករថយន្តម៉ាក Ford ranger មួយគ្រឿងពណ៌សពាក់ស្លាកលេខភ្នំពេញ 2BB-8523 ធ្វើដំណើរស្របទិសគ្នាមកបុកពីក្រោយពេញទំហឹង បណ្ដាលរថយន្តទាំងពីរគ្រឿងរងការខូចខាត។
ជុំវិញករណីនេះ ក៏មានអ្នកសារព័ត៌មាន បានចុះទៅយកព័ត៌មានករណីគ្រោះថ្នាក់ចរាចរណ៍នោះ ស្រាប់តែបុរសជាអ្នកបើកបររថយន្តបង្កហេតុខាងលើ បានប្រើពាក្យសម្ដីប្រមាថកាតទាន បែបអសុរោះ មកលើក្រុមអ្នកសារព័ត៌មាន ព្រមទាំងប្រើប្រាស់អំពើហិង្សា ដោយចាប់ច្របាច់ក ទះមុខបោកទូរសព្ទ និងប្រតាយប្រតប់រហូតដល់ដាច់អាវភ្លៀង។
ករណីនេះកើតឡើងកាលពីវេលាម៉ោង 10:30 នាទីយប់ថ្ងៃទី 26 ខែវិច្ឆិកា ឆ្នាំ 2022 ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។
ក្រោយពីកើតហេតុក៏មានវត្តមាន របស់សមត្ថកិច្ចនគរបាលមូលដ្ឋាន បានចុះមកដល់ទីតាំងកន្លែងកើតហេតុ ធ្វើការសម្របសម្រួល ឱ្យភាគីរថយន្តទាំងពីរ ដោយភាគីរថយន្ត ford ranger ព្រមចេញថ្លៃសងការខូចខាតទៅភាគីរថយន្ត Toyita Rush ដើម្បីបញ្ចប់រឿងនិងកន្លែងកើតហេតុ។ ហើយសមត្ថកិច្ចបានសម្របសម្រួលឲ្យភាគីអ្នកសារព័ត៌មាន ជាមួយបុរសបង្កហេតុខាងលើ ដោយបុរសបង្ករហេតុព្រមសងជំងឺចិត្ត ទៅជនរងគ្រោះចំនួន 300 ដុល្លារ ដើម្បីបញ្ចប់រឿងកុំឲ្យវែងឆ្ងាយ។
