0
0 KCSM2023-10-31 11-56am
(អុីស្រាអែល)នាយករដ្ឋមន្ត្រីអ៉ីស្រាអែល លោក Benjamin Netanyahu បាននិយាយកាលពីថ្ងៃចន្ទ សប្ដាហ៍នេះថា បទឈប់បាញ់ក្នុងសង្គ្រាមរបស់អ៊ីស្រាអែលប្រឆាំងនឹងក្រុមហាម៉ាស «នឹងមិនកើតឡើងទេ» ខណៈអង្គការសហប្រជាជាតិបានព្រមានថា មិនមានជំនួយគ្រប់គ្រាន់នឹងចូលមកដើម្បីបំពេញតម្រូវការមនុស្សធម៌ ដែលមិនធ្លាប់មានពីមុនមកនោះទេ។ នេះបើយោងតាមការចេញផ្សាយដោយសារព័ត៌មាន CNA នាថ្ងៃអង្គារ ទី៣១ ខែតុលា ឆ្នាំ២០២៣។
កងទ័ពជើងគោកអ៊ីស្រាអែល បានប្រយុទ្ធនៅខាងក្នុងតំបន់ហ្គាហ្សាស្ទ្រីប ហើយការវាយប្រហារតាមអាកាសបានវាយលុកទឹកដីប៉ាឡេស្ទីនដែលគ្រប់គ្រងដោយក្រុមហាម៉ាស ដើម្បីជាការឆ្លើយតបទៅនឹងការវាយប្រហារកាលពីថ្ងៃទី៧ ខែតុលា ដែលជាការសម្លាប់មនុស្សច្រើនបំផុតក្នុងប្រវត្តិសាស្ត្រអ៊ីស្រាអែល។
ប្រតិបត្តិការយោធាកាន់តែខ្លាំងឡើងបានបង្កើនការភ័យខ្លាចយ៉ាងខ្លាំង សម្រាប់ប្រជាជនប្រមាណ ២.៤លាននាក់នៃតំបន់ហ្គាហ្សា ជាកន្លែងដែលក្រសួងសុខាភិបាលគ្រប់គ្រងដោយក្រុមហាម៉ាស់និយាយថា មនុស្សជាង ៨,៣០០នាក់ត្រូវបានសម្លាប់។
