បើតាមការលើកឡើងរបស់ភ្នាក់ងារអង្គភាពkcsm tv news បានឱ្យដឹងថានេះគ្រាន់តែជាទីតាំងមួយចំនួនដែលត្រូវបានចុះទៅដល់ផ្ទាល់តែប៉ុណ្ណោះ ចំពោះទីតាំងផ្សេងៗទៀត ដែលភ្នាក់ងារសារព័ត៌មានយើងមិនទាន់បានចុះទៅដល់និងផ្តិតយករូបភាពគឺនៅមានច្រើនទៀត អង្គភាព kcsmtv new សន្យាថានឹងចុះទៅដល់ទីតាំងទាំងនោះហើយនិងផ្សព្វផ្សាយជូនមហាជនក៏ដូចជាថ្នាក់ដឹកនាំជ្រាបជាព័ត៌មានផងដែរ។
ជុំវិញទីតាំងភ្នាល់ល្បែងទាំង 6 កន្លែងខាងលើ អង្គភាពkcsm tv news សូមស្នើដល់លោកអធិការក្រុងបាវិតខេត្តស្វាយរៀង សុំមេត្តាមានចំណាត់ការទៅលើទីតាំងទាំងនោះ និងក្រុមអ្នកប្រព្រឹត្តល្បែងផងទាន ដោយហតុថា ល្បែងទាំងនោះមិនត្រូវបានផ្ដល់ផលប្រយោជន៍ឲ្យប្រជាពលរដ្ឋនៅតាមមូលដ្ឋាននោះទេផ្ទុយទៅវិញវាបានធ្វើឲ្យប៉ះពាល់ដល់ប្រជាពលរដ្ឋដែលកំពុងរស់នៅតាមមូលដ្ឋាន ដោយបាត់បង់ទ្រព្យសម្បត្តិនិងមានការចាញ់ប្រាក់ជាច្រើនថែមទៀតផង ធ្វើឲ្យមនុស្សខ្ជិលរកការងារធ្វើ មួយថ្ងៃមួយថ្ងៃគ្មានគិតអ្វីក្រៅតែអំពីរកវិធីណាបានលុយមកលេងល្បែង មិនតែប៉ុណ្ណោះអង្គភាពយើងសូមស្នើដល់លោកអធិការក្រុងបាវិតថា ល្បែងទាំងនេះគឺវាផ្ទុយនឹងបទបញ្ជារបស់ក្រសួងមហាផ្ទៃដែលបានដាក់ចេញនូវគោលនយោបាយភូមិឃុំសុវត្ថិភាពទាំង 9 ចំណុច ដូច្នេះសូមលោកអធិការក្រុងបាវិតជ្រាបជាព័ត៌មានផងទាន។
ហើយបើតាមការលើកឡើងពីប្រភពពីប្រជាពលរដ្ឋទៅវិញ ភាគច្រើនពួកគាត់បានយល់ថា ទីតាំងល្បែងនឹងអ្នកលេងល្បែងទាំងនោះមិនគួរត្រូវបានការគាំទ្រពីមន្ត្រីមូលដ្ឋានឬក៏សមត្ថកិច្ចជំនាញនោះទេ ដោយពួកគាត់និយាយថា នៅពេលដែលផ្ដល់ទីតាំងក៏ដូចជាឲ្យអ្នកលេងល្បែងទាំងនោះប្រព្រឹត្តល្បែងនៅតាមូលដ្ឋាន គឺធ្វើឱ្យបាត់បង់សុវត្ថិភាពក្នុងមូលដ្ឋានបង្កជាអសន្តិសុខផ្សេងៗដូច្នេះគាត់សំណូមពរដល់លោកអធិការក្រុងបាវិតធ្វើយ៉ាងណាជួយបង្ក្រាបទីតាំងល្បែងទាំងនោះផងដើម្បីបញ្ជាសមហន្តរាយផ្សេងៗកើតឡើងដោយយថាហេតុ។