ពាក់ព័ន្ធនឹងបញ្ហាខាងលើនេះ លោកចាន់ រ៉ា មន្ត្រីជាប់កិច្ចសន្យា ដែលលោកអ៊ី ម៉េងលាងទុកចិត្ត រូបនេះ បានឲ្យដឹងតាមទូរស័ព្ទថា លោកមិនបានទទួលលុយចំនួន៣០ម៉ឺនរៀលពីទូកនេសាទល្មើសទាំងអស់នោះទេ ។ ប៉ុនែ្តលោកទទួលស្គាល់ថា លោកពិតជាបានទទួលទិញផលនេសាទ ចំនួន ៣ ទៅ ៤ទូក ពីទូកល្មើសទាំងអស់នោះមែន ។
លោកចាន់ រ៉ា មន្ត្រីជាប់កិច្ចសន្យា ដែលលោកអ៊ី ម៉េងលាងទុកចិត្ត រូបនេះ បានឲ្យដឹងតាមទូរស័ព្ទទៀតថា លោកទទួលបានការអនុញាតិពីលោក អ៊ី ម៉េងលាង ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តកោះកុង ចាត់រូបលោកឲ្យមកតាមដានមន្ដ្រីជំនាញជលផលស្រុកបូទុមសាគរ ក្នុងការប្រព្រឹត្តអំពើពុករលួយ ។
ចំណែក លោក អ៊ី ម៉េងលាង ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកោះកុង អ្នកយកព័ត៌មានយើង បានទំនាក់ទំនងតាមប្រព័ន្ធទូរស័ព្ទ 095 77 97 44 ជាច្រើនលើកតែទូស័ព្ទរបស់លោកប្រធានដាក់កម្មវិធីជាបរវល់ ។
គួរបញ្ជាក់ថា លបកន្ទុយកណ្តុរ គឺជាឧបករណ៍ខុសច្បាប់មួយប្រភេទ ដែលក្រសួងកសិកម្ម រុក្ខាប្រម៉ាញ់ និងនេសាទ បានធ្វើការហាមឃាត់កន្លងមក ពីព្រោះលបកន្ទុយកណ្តុរប្រភេទនេះ ជាប្រភេទបច្ចេកទេសថ្មី ដែលផលិតចេញដំបូងពីប្រទេសវៀតណាមហើយនាំចូលមកចរាចរណ៍លក់ដោយលួចលាក់នៅក្នុងស្រុកខ្មែរ ។ លបប្រភេទថ្មីនេះ មានប្រវែងពី១៣ ទៅ១៥ម៉ែត្រក្រឡា ទំហំ១ហ៊ុន ទៅ១ហ៊ុនកន្លះ មានប្រើសំរាប់មច្ឆចម្រុះចូលពី៦ ទៅ៨ប្រើស ។ លបនេះ ត្រូវអ្នកនេសាទប្រើក្នុងការចាប់មច្ឆចម្រុះ ដោយទម្លាក់វាដល់បាតដី សំរាប់មច្ឆាដែលហែលរកចំណីនៅបាតដី គឺចូលទាំងអស់គ្មានសល់តែម្តង ៕