ឃា-ត់ខ្លួនតន្ត្រីករ រ៉េត រាត្រី ប្រើហិ-ង្សាលើឪ-ពុ-កម្ដា-យបណ្ដាលឱ្យឈា-មកកក្នុងខួរ-ក្បា-ល និងបា-ក់ដៃ កំពុងផ្អើលពេញបណ្ដាញសង្គម
KCSM2025-01-03 01-05PM
សិល្បៈជាតិ៖ តន្ត្រីករម្នាក់ឈ្មោះ រ៉េត រាត្រី ត្រូវបានសមត្ថកិច្ចឃាត់ខ្លួន ក្រោយប្រើហិង្សាលើឪពុកម្ដាយបណ្ដាលឱ្យឈាមកកក្នុងខួរក្បាល និងបាក់ដៃ កំពុងផ្អើលពេញបណ្ដាញសង្គម។
ប្រភពជូនដំណឹងបានលើកឡើងថា តន្ត្រីកររូបនេះបានវាយធ្វើបាបឪពុកម្តាយបណ្តាលឱ្យពួកគាត់ទាំងពីរនាក់រងរបួសជាទម្ងន់ ដោយម្ដាយបាក់ដៃទាំងសងខាង ហើយឪពុកមានសភាពឈាមកកក្នុងខួរក្បាល។ ខណៈអ្នកមានគុណទាំងពីររបស់តន្ត្រីករចិត្តក្ដៅកំពុងសម្រាកនៅមន្ទីពេទ្យ។
ប្រភពលើកឡើងបន្ថែមថា ដើមចមនៃបង្កហេតុគឺមានមកពីតន្ត្រីករ រ៉េត រាត្រី ខឹងម៉ែស្តីឱ្យបញ្ហាសេពគប់មិត្តភក្តិមិនល្អ ជក់ថ្នាំ ផឹកស្រា ទប់ចិត្តមិនជាប់ក៏ដោយបណ្ដោយកំហឹងវាយលើម្ដាយឪពុកតែម្តងទៅ នៅឃុំបឹងល្វា ស្រុកសន្ទុក ខេត្តកំពង់ធំ ម៉ោង 8:30នាទីយប់។
យ៉ាងណាមិញ ពេលនេះ សំណុំរឿងតន្ត្រីករ រ៉េត រាត្រី ត្រូវបានសមត្ថកិច្ចបន្តចាត់ចែងតាមនីតិវិធី៕
អត្ថបទ:សង្គម