បញ្ហាសេដ្ឋកិច្ចធ្វើឱ្យថៃ បាត់បង់ឱកាសធ្វើម្ចាស់ផ្ទះព្រឹត្តិការណ៍ប្រចាំទ្វីប Asian Indoor and Martial Arts Games
KCSM 2024-08-20 02-35pm
(អន្តរជាតិ)គណៈកម្មការអូឡាំពិកអាស៊ី បានដកប្រទេសថៃ មិនឱ្យធ្វើម្ចាស់ផ្ទះ Asian Indoor and Martial art Games លើកទី៦ ក្រោយលិចឮដំណឹងរឿងមិនប្រក្រតីលើបញ្ហាលុយកាក់ ទើបថៃបាត់បង់ឱកាសក្នងការរៀបចំព្រឹត្តិការណ៍អូឡាំពិកប្រចាំទ្វីបអាស៊ី ខណៈព្រឹត្តិការណ៍ដ៏សំខាន់មួយនេះគ្រោងនឹងរៀបចំនៅទីក្រុងបាកក និងខេត្តឈុនបុរី ចាប់ពីថ្ងៃទី២១ ដល់ថ្ងៃទី៣០ ខែវិច្ចិកា ឆ្នាំ២០២៤ ។
តាមកាលវិភាគដែលបានកំណត់ពីគណៈកម្មការអូឡាំពិកអាស៊ី គឺប្រទេសថៃ នឹងត្រូវរៀបចំព្រឹត្តិការណ៍ Asian Indoor and Martial art Games លើកទី៦ នេះក្នុងឆ្នាំ២០២១ ប៉ុណ្តែដោយសារតែគ្រានោះវិបត្តិជំងឺកូវីដ -១៩ មិនទាន់ធូរស្រារទើបសម្រេចរំសាយចោលតែម្តង។
យ៉ាងណាមិញ យោងតាមសេចក្តីសម្រេចរបស់គណៈកម្មការអូឡាំពិកេ អាស៊ី (OCA) បានចេញផ្សាយកាលពីថ្ងៃទី១៩ ខែសីហា ឆ្នាំ២០២៤ ថ្មីៗនេះបានបញ្ជាក់ថា៖ «ដោយសារថវិកាសម្រាប់ការរៀបចំមិនទាន់ត្រូវបានចេញផ្សាយ នោះនឹងមានឥទ្ធិពលលើតំបន់មុខងារ ហើយការរៀបចំព្រឹត្តិការណ៍ នឹងរងផលប៉ះពាល់យ៉ាងធ្ងន់ធ្ងរ ដូចនេះគណៈកម្មការអូឡាំពិកអាស៊ី មិនអាចប្រថុយឱ្យបើដំណើរការនេះបានឡើយ»។
គណៈកម្មការអូឡាំពិកអាស៊ី (OCA) បានបន្ថែមថា ដូច្នេះតាមការសម្រេចរបស់ក្រុមប្រឹក្សាប្រតិបត្តិនៃគណៈកម្មការអូឡាំពិកអាស៊ី ចំពោះព្រឹត្តិការណ៍ Asian Indoor and Martial art Games លើកទី៦ ដែលប្រទេសថៃគ្រោងនឹងធ្វើជាម្ចាស់ផ្ទះគឺត្រូវលុបចោល។
ប្រសិនបើ គណៈកម្មការអូឡាំពិក របស់ប្រទេសថៃ ចង់រៀបចំ នោះ គណៈកម្មការអូឡាំពិកអាស៊ី ពិតជាស្វាគមន៍ធម្មតាវិញ។
គួរឱ្យដឹងថា ព្រឹត្តិការណ៍ Asian Indoor and Martial Arts Games បង្តើតឡើងដំបូងនៅឆ្នាំ២០០០៥ កាលនោះថៃ ជាម្ចាស់ផ្ទះ ដោយមានប្រទេសក្នុងតំបន់អាស៊ី ចូលរួមប្រកួតប្រមាណជាង ៤៦ប្រទេស ហើយអត្តពលិករបស់ចិន រកបានមេដាយបានច្រើនជាងគេសរុប ៤១៩គ្រឿង ក្នុងនោះមានមេដាយមាសចំនួន២០៤គ្រឿង ប្រាក់ចំនួន១១៩ និងសំរិទ្ធិចំនួន៩៦គ្រឿង៕
ប្រភព :OCA