២០២១ ០៩ ២៤ ១២ ៤៧ pm
(ភ្នំពេញ)កាលពីព្រឹកថ្ងៃទី ២៤០៩ ២០២១ ដោយបានទទួលព័ត៌មាន និងរាយការណ៍ពីក្រុមការងារអំពីការខ្វះខាតជីវភាព របស់បងប្អូនប្រជាពលរដ្ឋចំនួន ៤១៥គ្រួសារ នៅសង្កាត់បឹងទំពន់១ ក្នុងដំណាក់កាលនៃការឆ្លងរាលដាលវីរុសកូវីដ-១៩ នៅព្រឹកថ្ងៃទី២៤ ខែកញ្ញា ឆ្នាំ២០២១ ឯកឧត្តម ស ថេត ប្រធានក្រុមការងារចុះជួយគណបក្សប្រជាជនកម្ពុជាសង្កាត់បឹងទំពន់១ ខណ្ឌមានជ័យ បានអញ្ជេីញ ដឹកនាំក្រុមការងារដេីម្បីចុះផ្តល់អំណោយជាថវិកា គ្រឿងឧបភោគ បរិភោគ និងសម្ភារប្រេីប្រាស់ចាំបាច់មួយចំនួនទៀត ដេីម្បីចែកជូនដល់ប្រជាពលរដ្ឋតាមខ្នងផ្ទះដែលជួបការខ្វះខាតជីវិភាពពិតប្រាកដ ។
ការចុះនេះត្រូវបានចែកជាក្រុមតូចៗចុះតាមខ្នងផ្ទះប្រជាពលរដ្ឋដោយផ្ទាល់ ដោយអនុវត្តឲ្យបានត្រឹមត្រូវ ៣ការពារ ៣កុំ ។
ឯកឧត្តមប្រធានបានបញ្ជាក់ថាមានតែគណបក្សប្រជាជនកម្ពុជាតែប៉ុណ្ណោះដែលតែងតែយកចិត្តទុកដាក់ អំពីសុខទុក្ខរបស់ប្រជាពលរដ្ឋ ជាពិសេសដោះស្រាយបញ្ហាប្រឈម នៅប្រជាពលរដ្ឋ ចុះជួយប្រជាពលរដ្ឋបានទាន់ពេលវេលាចំពោះប្រជាពលរដ្ឋដែលខ្វះខាតជាក់ស្តែង ៕