សមត្ថកិច្ចតាមប្រម៉ាញ់ ឃាត-ករឆ្លងដែនជនជាតិចិន ២នាក់ ពាក់ព័ន្ធករណីបា-ញ់ប្រ-ហាររថយន្ត Mercedes កាលពីយប់ថ្ងៃទី២៧ ខែ សីហា ឆ្នាំ ២០២៤ នៅខណ្ឌដង្កោ
KCSM2024-08-30 06-31pm
(ភ្នំពេញ)សមត្ថកិច្ចជំនាញបានតាមប្រម៉ាញ់ឃាតករក្នុងករណីបេីករថយន្តបំបុកហេីយបាញ់រះទៅលេីរថយន្ដ Mercedes Sclass នៅខណ្ឌដង្កោ កាលពីយប់ថ្ងៃទី ២៧ សីហា ឆ្នាំ ២០២៤ បណ្ដាលឲ្យនាយនគរបាលម្នាក់ស្លា-ប់ ជនជាតិចិនម្នាក់រងរបួស និងជនជាតិចិនម្នាក់ទៀតត្រូវក្រុមជនល្មើសចាប់យកទៅជាមួយ ។ ក្នុងករណីនេះបន្ទាប់ពីក្រុមឧក្រិដ្ឋជនធ្វើសកម្មភាព កងកម្លាំងស្នងការដ្ឋាននគរបាលរាជធានីភ្នំពេញ សហការជាមួយ នាយកដ្ឋានព្រហ្មទណ្ឌ និងស្នងការដ្ឋាននគរបាលខេត្តព្រះវិហារ សេុីបអង្កេតស្រាវជ្រាវ តាមចាប់ ជនល្មើសជាជនជាតិចិនបានចំនួន ២នាក់ នៅស្រឡៅ ខេត្តព្រះវិហារ ។ ដោយឡែកជនល្មើសសេសសល់ បាននាំជនរងគ្រោះ រត់គេចខ្លួន ខណៈ សមត្ថកិច្ចកំពុងឡោមព័ទ្ធ ។
តាមប្រភពពីសមត្ថកិច្ចបានបង្ហើបអោយដឹងថា ជនជាតិចិនដែលឃាត់ខ្លួនបានចំនួន ២នាក់ បានសារភាពថា ពួកខ្លួនទេីបចូលមកស្រុកខ្មែរនៅខែ កក្កដា ឆ្នាំ២០២៤នេះទេ ដេីម្បីទទួលផែនការតាមចាប់ជនរងគ្រោះ និងសម្លាប់មនុស្សដែលនៅជុំវិញជនរងគ្រោះទាំងអស់ តាមផែនការពេលធ្វើសកម្មភាពរួចហេីយត្រូវគេចខ្លួនទៅក្រៅប្រទេសវិញ ដេីម្បីគេចខ្លួនពីការស៊េីបអង្កេត ។ ប្រភពពីសមត្ថកិច្ចបង្ហើបទៀតថា ករណីឃាត-ករស៉ីឈ្នួលមកពីក្រៅប្រទេស មានច្រើនករណីហើយ ដែលធ្វើអោយសមត្ថកិច្ចលំបាកក្នុងការស្រាវជ្រាវ ។
ប្រភព:សមត្ថកិច្ចជំនាញ