ព្រែក​ជីក​ហ្វូណន​តេជោ​មិន​ពឹង​ផ្អែក​លើ​ការ​វិនិយោគ​ពី​ចិន​ទាំង​ស្រុង​ឡើយ…

KCSM2024-08-07 01-22pm

(ភ្នំពេញ)យោ​តាម Channel Telegram ឈ្មោះ​ថា ទស្សនៈ​សង្គម ដែល​ត្រូវ​បាន​ចែក​រំលែក​បន្ត​ដោយ Channel Telegram ផ្លូវការ​របស់ សម្ដេច​តេជោ ហ៊ុន សែន ប្រធាន​ព្រឹទ្ធសភា​នៃ​ព្រះរាជាណាចក្រ​កម្ពុជា បាន​បញ្ជាក់​សា​ជា​ថ្មី​ថា គម្រោង​ព្រែក​ជីក​ហ្វូណន​តេជោ​ពុំ​ផ្អែក​លើ​លុយ​ចិន​ទាំង​ស្រុង​ឡើយ​។

ការ​សាងសង់​ព្រែក​ជីក​ហ្វូណន​តេជោ គឺ​ជា​ការ​វិនិយោគ​រួម​គ្នា​រវាង​កំពង់ផែ​ស្វយ័ត​ក្រុង​ព្រះសីហនុ កំពង់ផែ​ស្វយ័ត​ភ្នំពេញ និង​ក្រុមហ៊ុន OCIC របស់​អ្នក​ឧកញ៉ា ពង់ ឃៀវសែ ដោយសារ​ក្នុង​នោះ​កំពង់ផែ​របស់​កម្ពុជា​ទាំង​២ កាន់កាប់​ចំណែក​ភាគ​ហ៊ុន ៥១ ភាគរយ ចំណែក OCIC កាន់កាប់​ចំណែក​ភាគហ៊ុន ៤៩ ភាគរយ​។

ទស្សនៈ​សង្គម បាន​បញ្ជាក់​ថា កំពង់ផែ​ស្វយ័ត​ក្រុង​ព្រះសីហនុ (PAS) ដែល​នឹង​កាន់កាប់ ២៦% នៅ​ក្នុង​ប្រតិបត្តិការ​នេះ​បាន​និយាយ​ថា ប្រតិបត្តិការ​នៃ​ការដ្ឋាន​ព្រែក​ជីក​ហ្វូណន​តេជោ នឹង​ជួយ​ពង្រីក​សមត្ថភាព​ដឹក​ជញ្ជូន​តាម​ផ្លូវ​ទឹក​របស់​ប្រទេស​កម្ពុជា​ទៅ​កាន់​ដែន​សមុទ្រ​។

ដូច​គ្នា​នេះ​ដែរ​កំពង់ផែ​ស្វយ័ត​ភ្នំពេញ (PPAP) ដែល​មាន​ភាគហ៊ុន ២៥% បាន​និយាយ​ថា​ប្រតិបត្តិការ​របស់​ពួក​គេ នឹង​ពង្រីក​ផ្លូវ​ដឹកជញ្ជូន​ពី​ទី​តាំង​របស់​ខ្លួន​ទៅ « កំពង់ផែ​សមុទ្រ​ក្នុង​ស្រុក និង​គោលដៅ​អន្តរជាតិ » ។

ការ​ដាក់​ទុន​ចូល​គ្នា​រវាង​កំពង់ផែ​ទាំង​២ បង្កើត​បាន​ជា​ក្រុមហ៊ុន​មួយ គឺ Funan Techo Inland Waterways and Logistics Co.Ltd។

ការ​រួម​ភាគ​ហ៊ុន​នេះ គឺ​ធ្វើ​ឡើង​តាម​អនុសាសន៍​របស់​សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ឲ្យ​ពួក​គេ​ក្នុង​ការ​វិនិយោគ​លើ​គម្រោង​ព្រែក​ជីក​ជា​ប្រវត្តិសាស្ត្រ ដែល​បាន​បើក​ការដ្ឋាន​សាងសង់​កាល​ពី​ថ្ងៃ​ទី​៥ ខែ​សីហា ឆ្នាំ​២០២៤​។

Channel Telegram ទស្សនៈ​សង្គម លើក​ឡើង​បន្ត​ថា ដំបូង​ឡើយ​កម្ពុជា​រំពឹង​ថា ការ​វិនិយោគ​របស់​ចិន​នឹង​ជា​ផ្នែក​មួយ​នៃ​ការ​អភិវឌ្ឍន៍​គម្រោង​ព្រែក​ជីក​នេះ ដោយ​ផ្អែក​លើ​គំរូ​សាងសង់​-​ប្រតិបត្តិការ​-​ផ្ទេរ​។ យ៉ាងណាមិញ អវត្តមាន​នៃ​ការ​វិនិយោគ​ពី​បរទេស​មាន​ន័យ​ថា ការ​បណ្ដាក់​ទុន​ពី​ក្នុង​ស្រុក​នឹង​កើត​មាន​ឡើង​តាម​រយៈ​ភាព​ជា​ដៃគូ​ទាំង​សាធារណៈ និង​ឯកជន​។

ការ​កាន់កាប់​ភាគហ៊ុន​ដោយ​កំពង់​ផែ​កម្ពុជា និង​ក្រុមហ៊ុន OCIC នៅ​ក្នុង​កិច្ច​ប្រតិបត្តិការ​នេះ តំណាង​ឱ្យ​ការ​អភិវឌ្ឍ​ពេញលេញ​របស់​កកម្ពុ
ជា។
អត្ថបទ:សង្គម