(ភ្នំពេញ)៖ ប្រមុខរដ្ឋស្តីទី សម្តេចវិបុលសេនាភក្តី សាយ ឈុំ បានចេញព្រះរាជក្រឹត្យមួយ ត្រាស់បង្គាប់ផ្ទេរ និងតែងតាំងមុខតំណែង ចៅក្រម និងព្រះរាជអាជ្ញា នៃសាលាដំបូងខេត្តកែបសរុប៨រូប។ នេះបើតាមព្រះរាជក្រឹត្យដែលបណ្តាញព័ត៌មាន KCSM TV NEWs ទទួលបាននៅថ្ងៃទី១០ ខែកញ្ញា ឆ្នាំ២០២១។
សម្រាប់ចៅក្រមដែលត្រូវបានផ្ទេរទៅកាន់ខេត្តកែប មានចំនួន៥រូប ដូចជា៖
១៖ លោក ហោ គាឡេង ចៅក្រមសាលាដំបូងខេត្តឧត្តរមានជ័យ ផ្ទេរមកជាចៅក្រមសាលាដំបូងខេត្តកែប
២៖ លោក ហេង ចន្ទស៊ីបូរិន ចៅក្រមសាលាដំបូងខេត្តរតនគិរី ផ្ទេរមកជាចៅក្រមសាលាដំបូងខេត្តកែប
៣៖ លោក ហេង សុខជា ចៅក្រមសាលាដំបូងខេត្តស្ទឹងត្រែង ផ្ទេរមកជាចៅក្រមសាលាដំបូងខេត្តកែប
៤៖ លោក ស៊ិន ពិសិដ្ឋ ចៅក្រមសាលាដំបូងខេត្តព្រះវិហារ ផ្ទេរមកជាចៅក្រមសាលាដំបូងខេត្តកែប
៥៖ លោក ភូ ឡាយស៊ុន ចៅក្រមសាលាដំបូងខេត្តប៉ៃលិន ផ្ទេរមកជាចៅក្រមសាលាដំបូងខេត្តកែប
ដោយឡែកព្រះរាជអាជ្ញារង ដែលត្រូវបានផ្ទេរ និងតែងតាំងមុខតំណែងទៅកាន់ខេត្តកែបនេះមានដូចជា៖
១៖ លោក សឿន មុនីរ័ត្ន ព្រះរាជអាជ្ញារងនៃអយ្យការអមសាលាដំបូងខេត្តស្ទឹងត្រែង ផ្ទេរមកជា ព្រះរាជអាជ្ញារងនៃអយ្យការអមសាលាដំបូងខេត្តកែប
២៖ លោក តូង ពុទ្ធារ៉ា អនុចៅក្រម ថ្នាក់លេខ១ តែងតាំងជាព្រះរាជអាជ្ញារងនៃអយ្យការអមសាលា ដំបូងខេត្តកែប ដោយស្ថិតក្នុងឋានន្តរស័ក្តិ អនុព្រះរាជអាជ្ញា ថ្នាក់លេខ១
៣៖ លោក ឡុង សិកា អនុចៅក្រម ថ្នាក់លេខ១ តែងតាំងជាព្រះរាជអាជ្ញារងនៃអយ្យការអមសាលា ដំបូងខេត្តកែប ដោយស្ថិតក្នុងឋានន្តរស័ក្តិ អនុព្រះរាជអាជ្ញា ថ្នាក់លេខ១។
សូមបញ្ជាក់ថា សាលាដំបូងខេត្តកែប ដែលជាតុលាការថ្មីមួយ ត្រូវបានព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា ចេញព្រះរាជក្រឹត្យ ត្រាស់បង្គាប់ដាក់ឱ្យដំណើរការ កាលពីថ្ងៃទី១៣ ខែមេសា ឆ្នាំ២០២១៕