KCSM 2023-09-29 04-56pm
សិល្បៈជាតិ៖ តាមក្រសួងវប្បធម៌ និងវិចិត្រសិល្បៈ បានឱ្យដឹងថា សិល្បការិនីរបាំបុរាណជាច្រើននាក់ លើកដៃរាំបួងសួងនៅមុខប្រាសាទកេះកេរដើម្បីរំលឹកគុណបុព្វបុរសខ្មែរ ដែលពិធីនេះក្រោមអធិបតីភាពដ៏ខ្ពង់ខ្ពស់ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានអញ្ជើញប្រារព្វពិធីបួងសួង នៅរមណីយដ្ឋានប្រាសាទកោះកេរ។
នៅព្រឹកថ្ងៃទី២៩ ខែកញ្ញា ឆ្នាំ២០២៣នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានអញ្ជើញប្រារព្វពិធីបួងសួងឧទ្ទិសដល់បុព្វបុរសខ្មែរគ្រប់ជំនាន់ និងអបអរសាទររមណីយដ្ឋានប្រាសាទកោះកេរ ដែលបានចុះក្នុងបញ្ជី បេតិកភណ្ឌពិភពលោកកាលពីថ្ងៃទី១៧ ខែកញ្ញា ឆ្នាំ២០២៣កន្លងទៅ។
សូមជម្រាបថា ពិធីនេះក៏មានការចូលរួមពីមន្ត្រីជាន់ខ្ពស់ ស្ថាប័នថ្នាក់ជាតិ ភ្ញៀវកិត្តិយសជាតិ និងអន្តរជាតិ ព្រមទាំងអាជ្ញាធរពាក់ព័ន្ធគ្រប់លំដាប់ថ្នាក់ ជាច្រើនរូបទៀត។ ការប្រារព្វពិធីបួងសួងនេះ ធ្វើឡើងនៅក្នុងបរិវេណប្រាសាទប្រាង្គ នៃរមណីយដ្ឋានប្រាសាទកោះកេរ។
