Read Time:1 Minute, 17 Second
KCSM 2023-03-20 12-27pm
តាកែវ ៖ ផ្អើលបងប្អូនប្រជាពលរដ្ឋ អាជីវករលក់ដូរ ដោយសារផ្ទុះធុងហ្គាស នៅតូបលក់នំបញ្ចុកស្រុះ ក្នុងផ្សារតាកែវ ក្រុងដូនកែវ ខេត្តតាកែវ ត្រូវបានកម្លាំងសមត្ថកិច្ច រថយន្តពន្លត់អគ្គិភ័យ ចេញទៅអន្តរាគមន៍ ពន្លត់ទាន់ពេល ពុំមានរាលដាល ដល់តូចផ្សេង ។ ហេតុការណ៍ ផ្អើលឆោឡោខាងលើកើតឡើងកាលពីវេលាម៉ោង៧និង១០នាទីព្រឹក ថ្ងៃទី២០ ខែមិនា ឆ្នាំ២០២៣ នេះ ។តាមសមត្ថកិច្ចបានឲ្យដឹងថា ខណៈដែលម្ចាស់អ្នកលក់ កំពុងរៀបចំធ្វើទឹកសម្ល សម្រាប់លក់ដូរ នំបញ្ចុកស្រុះ ស្រាប់តែផ្ទុះធុងហ្គាស ចេញជាអណ្តាតភ្លើង ធ្វើឲ្យផ្អើលឆោឡោ អ្នកលក់ដូរក្នុងផ្សារ ប្រជាពលរដ្ឋ ភ្លាមៗត្រូវបានកម្លាំងសមត្ថកិច្ច អាជ្ញាធរ រថយន្តពន្លត់អគ្គិភ័យ អន្តរាគមន៍ ពន្លត់បានភ្លាមៗ ទើបមិនរាលដាលទៅតូបផ្សេង ហើយក៏មិនប៉ះពាល់ដល់ ទ្រព្យសម្បត្តិក្នុងផ្សារដែរ ៕
Pages: 1 2