0
0 KCSM 2023-02-21 07-07am
(ភ្នំពេញ)ក្រុមការងារ វេជ្ជបណ្ឌិតឯកទេសចង្វាក់បេះដូង នៃមន្ទីរពេទ្យមិត្តភាពខ្មែរ-សូវៀត បានដាក់ថ្មបេះដូងតូចបំផុតដោយមិនមានខ្សែ ជាមួយបច្ចេកទេសទំនបើចុងក្រោយ។ មជ្ឈមណ្ឌលជំងឺបេះដូង និងមនុស្សចាស់ បានប្រកាសដំណឹងនេះ កាលពីថ្ងៃទី១៨ ខែកុម្ភៈ ឆ្នាំ២០២៣នេះ និងបានចាត់ទុកជាករណីនេះថាករណីដំបូងបំផុតនៅកម្ពុជា។
តាមរយៈទំព័រហ្វេសប៊ុក មជ្ឈមណ្ឌលជំងឺបេះដូង និងមនុស្សចាស់ បានបញ្ជាក់ឱ្យដឹងថាការដាក់ថ្មបេះដូងតូចបំផុតដោយមិនមានខ្សែនេះ ជាការធ្វើឡើងដោយប្រើបច្ចេកទេសទំនើបចុងក្រោយ ហៅថា Micra leadless pacemaker ពោលគឺមិនមានការវះកាត់ ជាមួយនឹងលទ្ធផលជោគជ័យ និងគ្មានផលវិបាក។
ផ្អែកលើប្រភពដដែល ការងារនេះអាចសម្រេចជោគជ័យដោយមានការជួយជ្រោមជ្រែងពីក្រុមវេជ្ជបណ្ឌិតអាមេរិក។ មជ្ឈមណ្ឌលជំងឺបេះដូង និងមនុស្សចាស់ បានថ្លែងអំណរគុណក្រុមការងារវេជ្ជបណ្ឌិតចង្វាក់បេះដូងអាមេរិក Jeremiah Hope ដែលតែងតែចូលរួមសហការការងារលើផ្នែកចង្វាក់បេះដូង៕
