0
0 Kcsm2023-01-02 10-56pm
(ខេត្តព្រះសីហនុ)នៅថ្ងៃពុធទី 01 ខែកុម្ភៈឆ្នាំ 2023 វេលាម៉ោង 12:00 ថ្ងៃត្រង់ ប្រជាពលរដ្ឋនៅតំបន់តាដួង តាអាំ ជាច្រើនគ្រួសារមានការផ្ទុះកំហឹង ឈានដល់ការដុតកង់ឡានបិទផ្លូវជាតិលេខ 4 ដើម្បីសុំការអន្តរាគមន៍ពីអភិបាលនៃគណៈអភិបាលខេត្តព្រះសីហនុ។
ប្រជាពលរដ្ឋជាច្រើនគ្រួសារនៅតំបន់តាដួង តាអាំស្ថិតនៅក្នុង ភូមិអូរតាសេកឃុំអូរឧកញ៉ាហេងស្រុកព្រៃនប់ខេត្តព្រះសីហនុ ផ្ទុះកំហឹងឈានដល់ការដុតកង់ឡានបិទផ្លូវជាតិលេខ 4 ដើម្បីសុំធ្វើការអន្តរាគមន៍ពី សម្ដេចតេជោ ហ៊ុន.សែន នាយករដ្ឋមន្ត្រីនៃព្រះរាជាណាចក្រកម្ពុជាក៏ដូចជាលោកអភិបាលនៃគណៈអភិបាលខេត្តព្រះសីហនុ មេត្តាជួយរកដំណោះស្រាយជូនពួកគាត់ ពីរឿងបញ្ហាដីធ្លី ដែលពួកគាត់បានរស់នៅអាស្រ័យផលអស់រយៈពេល 8 ឆ្នាំកន្លងមកហើយ ដោយមានការទទួលស្គាល់ចេញបណ្ណ័កម្មសិទ្អិពីអាជ្ញាធរភូមិឃុំ ស្រាប់តែពេលនេះ ក៏មានលេចមុខក្រុមហ៊ុនមួយមកអះអាងថាជាដីនេះជាដីរបស់ក្រុមហ៊ុន និងមានការកាត់សសរនិងដុតបំផ្លាញផ្ទះរបស់ប្រជាពលរដ្ឋ ហើយធ្វើការបណ្ដេញទាំងបង្ខំដោយគ្មានដំណោះស្រាយជាមួយពួកគាត់ទាល់តែសោះ ហើយក្រុមហ៊ុនមួយនោះមិនដឹងថាជាក្រុមហ៊ុនអ្វីឲ្យពិតប្រាកដនៅឡើយនោះទេ ប្រជាពលរដ្ឋបានសង្ស័យថា អាចនឹងមានការឃុបឃិតគ្នាជាប្រព័ន្ធរវាងមន្ត្រីមួយចំនួននិងអ្នកមានលុយមានអំណាច ធ្វើរឿងនេះឡើងជាការរឹបអូសយកដីប្រជាពលរដ្ឋ ទៅលក់ឱ្យក្រុមហ៊ុនដើម្បីយកលុយដាក់ហោប៉ៅធ្វើមានបានរបស់ខ្លួន ដោយមិនគិតពីទឹកភ្នែករបស់ប្រជាពលរដ្ឋជាច្រើនគ្រួសារនិងជាម្ចាស់សន្លឹកឆ្នោត ដែលពួកគាត់មិនមានដីនៅសូម្បីតែមួយម៉ែត្រការ៉េផងនោះ។
ជាចុងក្រោយ ពួកគាត់ដែលជាប្រជាពលរដ្ឋទន់ខ្សោយនិងជាម្ចាស់សន្លឹកឆ្នោតជាច្រើនគ្រួសារ សូមសំណូមពរ សូមសម្ដេចតេជោ ហ៊ុន.សែននាយករដ្ឋមន្ត្រីនៃព្រះរាជាណាចក្រកម្ពុជា ក៏ដូចជាលោកអភិបាលនៃគណៈអភិបាលខេត្តព្រះសីហនុ សូមមេត្តាជួយរកភាពយុត្តិធម៌ និងមានការដំណោះស្រាយបានដល់ពួកគាត់ផង៕
